Ako'y Pangit
Kahit sarili kong repleksyon tila ako'y nilalait
Kung isinumpa man ng langit
ay di ko magawang sa aki'y magalit
Siguro'y alam nyo na kung bakit?
Baka akalainin nyong walang bait..
Ngunit aking napuna
kapangitan ko'y di na gaanong problema
Sa panahon ngayong higit na nakikita
ay hindi laman ng utak o mukhang maganda
manapa'y matambok na bulsa
na puno ng pera!
di ba?
Ang tanging masakit
kung ikaw ay pangit
eh wala pang atik!
talagang nakapagngingitngit
bwisit!
at kung sino ang pogi
ay siya pang pera ay marami
matalino at disente
lapitin ng babae
at may magarang kotse
kung ganyang hindi balanse
e ano na nga ba ang mangyayari?
pogi ka pangit ako
mapera ka wala ako
masaya ka malungkot ako
sa yo na ang lahat pano naman ako
ang tanging nasa kamay ko
utak krimen ng isip ko
Wag naman sana DIYOS ko!
na pati kaluluwa ko
malas na nga sa mundo
kasasadlakan pa'y impyerno!.