Kaibigan Ko :D

Kaibigan Ko

Hayan kana naman aking kaibigan
Sa kawalan nakatanaw na naman at luhaan
Halos araw araw ka ng nagkakaganyan
Sarili mo naman ay iyong kahabagan

Sa buhay mo walang mangyayari
Kung di mo mamahalin ang iyong sarili
Tumingin ka sa tabi-tabi
Marami pang bagay sayo'y magpapangiti

Buhay sadyang minsan mapagbiro
Daan sa kasiyahan ay liko-liko
Sa mga problema wag kang sumuko
Diyos ay tawagin at sa kanya'y yumuko


Luha sa iyong mga mata'y pahirin
Buhay mo ay wag sayangin
At iyong kasiyahan ang syang hanapin
Kaibigan kong magiting..