Sa Ilalim ng Liwanag ng Buwan

Sa dilim ng gabi,
pagmamasdan ko ang buwan
hanggang sa muling pagsikat ng araw

madidilim na ulap ang sa kanya ay tumakip
ang kakaunting liwanag, pinagkait
ngunit ang mga mata ko'y masasanay din sa dilim

tatalasan ko ang aking pandinig,
mga kamay ay ikikilos,
mga paa ay ihahakbang pasulong

di mananatili sa iisang tabi
di matatakot madapa o masaktan man
hangga't maabot ko ang iyong tabi

sa munting liwanag mula sa iilang bituwin
ilakas mo ang iyong panaghoy;
iko'y nakikinig, susundan ko ang 'yong tinig

at sa ating pagtatagpo
bago magbukang liwayway,
haharapin natin ang umaga

puno ng pasa at galos
ngunit may tunay na ngiti sa mga labi.
lalakad tayo ng magkahawak ang mga kamay.




pa komento lang po
__________________
inyong inyo,
ako.