basta imagine lang.....

kapag ako nagpropose....

Gusto kong pumasyal, sa dalampasigan
Halika’t mag gayak , dali nating puntahan
Doo’y mawawala mga lungkot at luha
Dibdib ng pangamba, ay mapapawi na

Ngayo’y nasilayan, kagandahan ng dagat
Sa buhangin ang yapak, ay agad bumabakat
Pagmasdan ang araw, pababa na ang sikat
Sabay ng mga ibong,umaawit lahat

Ang sarap maglakad, pag kasama kita
Parang simoy ng hanging,malamig ang dama
Ganyan ang pag ibig, na aking nadama
Magmula ng kita’y unang makilala

Hindi na malakas , ang agos ng alon
Tulad ng tinig mo, na laging mahinahon
Sa iyong damdamin, ako ay binaon
Kaya sarili ko, parang isang tuyong dahon

Saksi natin ngayon,ang isang dapit hapon
Sa pagmamahalang nagsimula noon
Ngayon na siguro ang tamang panahon
Upang buksan ko, ang maliit na kahon

Mata mo’y lumuha sa iyong nakita
Di mapaliwanag,ang kasiyahang dala
Isang singsing pala, na para sa dambana
“pakasalan mo ako” tinatanggap mo ba....