Gunita sa pagkabata..
Masarap isipin, ang aking kabataan
Lahat ng laro ko’y pisikal na tunay
Kaya kong tumakbo, ng ilang kilometro
Di alintanang pawis, sa suot na sando
Sa ilalim ng buwan, ay nagtataguan
Samantala ang iba ,ay nagtatakutan
Hindi namin puna, lalim ng kadiliman
Na kapag pagod na, kanya kanyang uwian
Nauso din sakin, panahon ng kwentuhan
Na ang laging bida’y, si Pedro at Juan
Halakhak sa tawa, ang aking kaibigan
Kahit ang kwento, ay may kabastusan
Paborito ko noon, palabas na horror
Dalawang istasyon, parehong may terror
Channel 13 noon, ay may Pinoy thriller
Ganon din sa 7, na may Regal shocker
Kilala nyo rin ba, si Leon Guerero
Para syang si Zorro, nakasakay sa kabayo
Sa lahat ng armas, siya’y asintado
Parang si FPJ magaling sa gatilyo
Marami pa sana akong ikukwento
Yung iba limot na wala na sa ulo
Isulat mo nalang ang iyong komento
Ang iyong naalala, nung kabataan mo