Kasalanan :(

Kasalanan

Isang pagkakamali ang iyong nagawa
Nang ikaw ay mabuhay ng sobrang malaya
Gumawa ka ng 'sang bagay na akala mo'y tama
Ngunit di mo inasahan ikaw ay magdurusa

Isang pag-iibigan na alam mo di dapat
Iyong pinasukan at tinanggap
Di mo inisip ang iyong kinabukasan
At maling landas ang iyong tinahak

Oo nga naman sarap ay dulot
Sa tawag ng laman ika'y natupok
Ngunit bigla ang kaniig mo
Sa tukso ng iba naging marupok

Hayan ngayon ika'y lumuluha
Sa isang pagsasama di ka nakawala
Nagbunga ng isang magandang punla
At ngayon ikaw ay nag-iisa

Ikaw ay kinawawa at ngayon ay nagdurusa
Di mo alam kung san kana pupunta
Kaya ang batang iyong dinadala
Kinitil mo ang buhay at naging kaawaawa

Ang batang walang kamuwang muwang
Sa masayang mundo di man lang nakagapang
Kung sana'y naging isa kang matapang
Sana ngayo' y may isang supling kana't nagdiriwang